Ég fór með Hlyn á róló eftir hádegi einn góðan veðurdag,
sem er ekki svo sem frásögu færandi nema að með í för var
,,kærastan’’ hans Hlyns hún Erika Mjöll. Hann var voða góður við
hana og leyfði henni að sitja á pullunni hans og allt. Svo kom
ég að sækja þau um hálf 5 leytið og þá var nú komið annað hljóð
í skrokkinn. Það hafði orðið smá drama.....eða
ástarþríhyrnings-drama.
Hlynur hafði sem sagt fengið sér
aðra kærustu sem var þarna á róló. Eriku var bara pent sagt upp
á staðnum og skellt í skuggann. Hann var frekar leiðinlegur við
hana og hún var mjög sár útí hann.
Ég reyndi að fá hann til að biðjast afsökunar en hann bara fór inn
í bíl og skellti sér á sína pullu og hélt fyrir eyrun! Á leiðinni
heim hélt ég áfram að segja honum að svona kæmi maður ekki fram við
vini sína og blabla....,,og biddu hana
fyrirgefningar’’!!
Hlynur: Já....mamma ég ætla bara að tala við hana!
Ég: gerðu það þá.....
H:
Sko....Erika, ég er búin að finna mér aðra
kærustu.......
E:
ok....þá mátt þú ekki koma heim til mín...(og ect.)
H:
Það er allt í lagi, því er búinn að SLÍTA
hjónabandinu...(þolinmóðri röddu)
E:
ha...? Slíta hverju...?
H:
Nú hjónabandinu!
Ég
var alveg að springa úr hlátri þarna fram í
bílnum
.....Þetta var alveg kostulegt. Þegar heim var
komið tók ég þau bæði og spjallaði við þau og Hlynur baðst
afsökunnar. Svo labbaði Erika heim til sín (hún á heima bara nokkur
skref frá okkur) og Hlynur fór á eftir en hún algjörlega hunsaði
hann.
Hann kallaði og lét sig svo detta á hnén....en Erika hélt bara
áfram heim.
Ég
fór inn og Hlynur kom stuttu seinna. Þá sagði ég honum að nú yrði
hann að vera extra almennilegur við Eriku ef hann ætlaði ekki að
missa hana sem vinkonu....já...
heyrist í mínum manni. Og svo fór hann út.
Stuttu seinna sé ég hann fara með blóm fyrir aftan bak til að
gefa henni. Þetta voru einhver appelsínugul blóm sem hann hefur
örugglega slitið upp í einhverjum garði!!! Hann gaf henni svo
blómin og nú ert allt í himnalagi nema þau eru ekki lengur
kærustpar! Lífið er svo flókið þegar maður er 6 ára.
Annars er allt bara hið besta að frétta. Skólinn að fara að
byrja hjá okkur mæðgininum í næstu viku. Ég er bara nokkuð spennt.
Ég fékk að velja mér námskeið af 3.og 5.misseri svo ég hafi
eitthvað að gera þegar hinir eru í námskeiðunum sem ég er búin með.
Um áramótin eru þau búin að ná mér svo ég fer á sama ról. Svo
styttist í ferðalagið mitt.....Ég man ekki hvort ég var búin að
,,blogga’’ það en ég er að fara í ,,gönguferð’’ á Hellisheiði með
brautinni minni og það tekur 5-8 tíma hvora leið. Við gistum í
tjöldum eða skála.....og þetta verður mikið púl.
Ég
ákvað því eftir að ég fékk tilkynningu um þessa ferð að flýta
svokallaða átaki mínu sem ég ætlaði að fara í þegar skólinn
byrjaði. Ég fór því að fara eftir ,,body for life’’ ferlinu...eða
líkaminn fyrir lífið, og hef verið að lyfta annan hvern dag og
stunda þolæfingar á Orbitrekinu mínu síðan 25.júlí!!!! Ég hef ekki
sagt neitt um þetta fyrr vegna þess að ég hef iðulega byrjað á
einhverju og hætt því og ég vildi ekki vera að blaðra um þetta og
svo springa á öllu saman. En ég var að byrja mína 4 viku í dag og
þetta gegnur alveg stórvel. Ég borða mjög hollt og leyfi mér bara
nammi á laugardögum. Ég finn mun á fötunum mínum en vigtin er ekki
alveg að vinna með mér eins og er. Það kemur. Ég er auðvitað að
bæta líka við vöðvamassa......eða svo er sagt :þ
Eina sem mér finnst vera erfitt er að borða nóg. Ég er alls
ekki nógu dugleg að borða.......Ég er búin að vera á fullu að þrífa
og hef stundum gleymt að borða á milli. Sumir dagar eru frekar
ógeðslegir. Fer að þrífa klukkan 10, lyfta svo hálf 11 og aftur að
þrífa klukkan 13. Og ég er beisiklí blaut af svita allan
daginn.
En
þessa viku er ég í hálfgerðu sumarfríi. Flestar kellurnar sem ég
hef verið að leysa af eru komnar úr sumarfríi og ég hef ekki eins
mikið að gera. Ætla bara að njóta þess svona síðustu dagana fyrir
skólann. 
By
the way.......mæli ekki með því að fólk versli í Hyrnunni.
Þjónustan er alveg skelfileg.....enda við hverju öðru að búast
þegar meðalaldurinn er 12 ára hjá þeim sem vinna
þarna